- హెల్మెట్ ధరించి ఉండటంతో తప్పిన ప్రాణాపాయం
మెహిదీపట్నం, వెలుగు: షేక్‌‌పేట్ ఫ్లైఓవర్ మెయింటెనెన్స్‌‌లో జీహెచ్‌‌ఎంసీ అధికారుల నిర్లక్ష్యం మరోసారి బయటపడింది. శుక్రవారం బ్రిడ్జి పైనుంచి ఒక్కసారిగా భారీ రెయిన్ వాటర్ వెంట్ పైప్ఊడి, రోడ్డుపై వెళ్తున్న బైకర్పై పడింది. అతను హెల్మెట్ ధరించి ఉండటంతో అదృష్టవశాత్తూ ప్రాణాపాయం నుంచి బయటపడ్డాడు. కానీ, స్కూటీ కొనుగోలు చేసి 15 రోజులే అయిందని, వాహనం ముందు భాగం నుజ్జునుజ్జయిందని ఆవేదన వ్యక్తం చేశాడు.
గతంలో కూడా ఈ ఫ్లైఓవర్ పైనుంచి పైప్లు ఊడిపడ్డాయని, పలుమార్లు ఫిర్యాదులు చేసినా అధికారులు స్పందించలేదని స్థానికులు, వాహనదారులు ఆరోపించారు. నగరంలో బ్రిడ్జిల కింద నుంచి వెళ్లాలంటేనే భయాందోళన చెందుతున్నామని, ఇప్పటికైనా అధికారులు అన్ని ఫ్లైఓవర్ల వెంట్ పైప్లను తనిఖీ చేయాలని డిమాండ్చేశారు. కాగా, ఈ ఘటనపై ఫిల్మ్‌‌నగర్ పోలీస్ స్టేషన్‌‌కు ఎలాంటి ఫిర్యాదు రాలేదని పోలీసులు తెలిపారు.
